Të shtëna me armë zjarri janë dëgjuar sot në fshatin Dollc të Klinës.
Zëdhënësi i Prokurorisë Themelore në Pejë, Shkodran Nikçi ka thënë për Telegrafin se janë arrestuar dy persona.
“Me datë 23 mars janë pranuar informatat nga stacionin policor në Klinë për të shtëna me armë zjarri në fshatin Dollc. Pas veprimeve hetimore, në vend të ngjarjes janë gjetur gëzhoja të armëve, ku me pas ra rezultuar me bastisje dhe arrestimin e dy personave”, ka thënë Nikçi.
Ai ka shtuar se gjatë bastisjes janë sekuestruar armë të ndryshme, të llojit Ak-47, mbi 100 fshikë dhe granatë e dorës.
“Dy persona janë ndaluar për 48 orë me urdhër të prokurorit të shtetit, njëri për veprat penale “Përdorimi armës apo mjetit të rrezikshëm” dhe “Mbajtja në pronësi, kontroll ose posedim e paautorizuar e armëve” dhe i dyshuari tjetër për veprën penale “Mbajtja në pronësi, kontroll ose posedim e paautorizuar e armëve””, ka thënë Nikçi.
