6.3 C
Pec
E shtunë, 4 Shkurt, 2023

Tetë vjet burgim ndaj Z.V. për vrasje

Gjykata Themelore në Ferizaj, shpalli aktgjykim dënues ndaj të miturit tani madhor me inicialet Z.V, i cili sipas aktakuzës së Prokurorisë Themelorë në Ferizaj, akuzohet se ka kryer veprën penale vrasja e rëndë.

Trupi Gjykues për të Mitur i Gjykatës Themelore në Ferizaj, pas mbajtës së shqyrtimit gjyqësor, të miturin tani madhor Z.V për veprën penale vrasja e rëndë, e ka shpallur fajtor, dhe të njëjtit i është shqiptuar dënim burgimi në kohëzgjatje prej tetë vjet.

Sipas një komunikate të gjykatës, në dënimin e shqiptuar do t’i llogaritet koha e kaluar në paraburgim dhe atë prej datë 20.11.2018, duke llogaritur edhe kohën e paraburgimit gjatë procedurës së ekstradimit.

“I mituri – tani madhor, akuzohet së në shkurt të vitit 1999 në Kaçanik për motive të ulëta, me dashje, në mënyrë dinake e ka privuar nga jeta tani të ndjerin H.V, në atë mënyrë që derisa tani i ndjeri së bashku me nipin e tij po ktheheshin nga shitorja e fshatit për në shtëpinë e tyre, i mituri iu vihet pas dhe duke i përcjellë e pasi u ofrohet iu thotë : “Ndaluni se kam punë me ju” dhe në momentin kur H. kthehet mbrapa për të shikuar, i mituri e godet me thikë në gjoks nga e cila goditje pëson plagë vdekjeprurëse të shkaktuara nga thika, me ç’rast tani i ndjeri H.V ndërron jetë në vendin e ngjarjes. Kundër këtij aktgjykimi, palët kanë të drejtë ankese në afat prej pesëmbëdhjetë ditëve nga dita e pranimit të aktgjykimit në formë të shkruar”, thuhet në komunikatë.

Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

]]>
- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...