13.1 C
Pec
E mërkurë, 17 Prill, 2024

Thaçi: Nuk ka asnjë agjendë të fshehtë prapa takimit në Berlin

Presidenti i Kosovës, Hashim Thaçi ka sqaruar arsyen e mbajtjes së takimit në Berlin, ku merr pjesë edhe presidenti serb, Aleksandar Vuçiq.

Në një postim në Facebook, Thaçi ka shkruar se takimi do të jetë vazhdimësi e interesimit të Gjermanisë dhe Francës për vendin tonë.

Ai ka thënë se do të ishte dëshpëruese nëse Franca e Gjermania dështojnë të harmonizojnë qëndrimet e tyre sa i përket liberalizimit të vizave për qytetarët e Kosovës.

Më poshtë postimi i plotë i Thaçit:

Si president jam në konsultim të vazhdueshëm me partnerët ndërkombëtarë për zhvillimet në Kosovë dhe në Ballkanin Perëndimor. Takimi i Berlinit do të jetë vazhdimësi e interesimit të Gjermanisë dhe Francës për Kosovën dhe rajonin tonë.

Ne e mirëpresim dhe e përshëndesim këtë iniciativë. Bazuar në konsultat që kam zhvilluar, nuk do të ketë asnjë plan që do të propozohet për marrëveshjen Kosovë-Serbi.

Për më tepër, nuk ka asnjë agjendë të fshehtë prapa këtij takimi. Presim që, në fund, ky takim të rezultojë me një deklaratë retorike të përgjithshme, paraprakisht të dakorduar mes pjesëmarrësve, e cila ndër të tjera do të rikonfirmojë së paku perspektiven evropiane të rajonit tonë, thellimin e reformave sidomos në sundimin e ligjit, si dhe do të theksojë domosdoshmërinë e normalizimit të marrëdhënieve ndërmjet Kosovës dhe Serbisë.

Për Kosovën do të ishte tepër dëshpëruese në rast se edhe në këtë takim, Franca dhe Gjermania, dështojnë të harmonizojnë qëndrimet e tyre për vendimin për liberalizimin e vizave për qytetarët tanë.

Kosova mbetet vendi i vetëm i izoluar në Evropë. Prandaj, të flasësh për perspektiven evropiane të Kosovës, qoftë edhe vetëm në mënyrë retorike, është më tepër se hipokrizi! 

]]>
- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...