-1.5 C
Pec
E martë, 7 Shkurt, 2023

Thaçi takon Gjukanoviqin: Kosova dhe Mali i Zi dijnë ta ruajnë fqinjësinë e mirë

Presidenti i Kosovës dhe Presidenti i Malit të Zi kanë biseduar në Munih për ndikimin pozitiv që do të kishte normalizimi i marrëdhënieve dhe marrëveshja gjithëpërfshirëse mes Kosovës dhe Serbisë në rajonin tonë.

Përmes një statusi në llogarinë e tij në Facebook, Thaçi ka thënë se fqinjësia e mirë është vlerë evropiane dhe Kosova e Mali i Zi përveç që kanë ditur ta ruajnë gjithmonë këtë vlerë, me përkushtim të ndërsjellë kanë arritur edhe ta forcojnë.

“Në margjina të Konferencës së Sigurisë, një takim kisha edhe me Presidentin e Malit të Zi, Milo Gjukanoviq. Fqinjësia e mirë është vlerë evropiane dhe Kosova e Mali i Zi përveç që kanë ditur ta ruajnë gjithmonë këtë vlerë, me përkushtim të ndërsjellë kanë arritur edhe ta forcojnë.

Me presidentin Gjukanoviq diskutuam edhe për ndikimin pozitiv që do të kishte normalizimi i marrëdhënieve dhe marrëveshja gjithëpërfshirëse mes Kosovës dhe Serbisë në rajonin tonë. Tërë vendet e Ballkanit Perëndimor po bëjnë përpjekje që ta lënë pas të kaluarën e hidhur dhe të bashkohen në familjen e madhe evropiane!”, ka shkruar presidenti Thaçi. /Njeshi/

]]>
- Advertisment -

Të fundit

Radio 1 – Live Radio 1 – Live
LIVE OFFLINE
track image
Loading...