Artisti dhe aktori i njohur shqiptar Timo Flloko, i cili edhe ka lindur në Pejë, është shpallur “QYTETAR NDERI” i këtij qyteti.
Nderimi ka pasuar prag-kremtën e 16 Qershorit – 26 vjetorit të Çlirimit të qytetit nga okupatori serb.
Lajmi u bë i ditur edhe nga komuna e Pejës.
Kryetari i Komunës së Pejës, Gazmend Muhaxheri dhe Kryesuesi i Kuvendit Komunal të Pejës, Rexhep Kutrbogaj i kanë ndarë titullin “Qytetar Nderi” i Komunës së Pejës, Timo Fllokos për kontributin e tij të jashtëzakonshëm, si aktor në skenën e artit shqiptarë, në role të mëdha në teatër dhe kinematografi, si regjisor veprash me vlerë dhe si poet, me ndikim, reprezentacion i Kosovës dhe Shqipërisë, në të gjitha skenat botërore, fitues i shumë titujve ndërkombëtar dhe i lindur në Pejë, i cili ka kontribuar për shpalosjen e vlerave artistike dhe kulturore të Komunës së Pejës.
Kryetari i Komunës së Pejës, Gazmend Muhaxheri theksoi s’e është nder për ne, që të ndajmë titullin “Qytetar Nderi” i Pejës, sepse ky është një kujdes i vogël për punën tuaj të madhe.
