Një ngjarje e rëndë ndodhi sot në mëngjes në “Lagjen e Muhaxherëve” në Prishtinë, ku dyshohet se një person i moshuar ka rënë nga kati i pestë i një ndërtese.
Trupi i viktimës është larguar nga vendi i ngjarjes.
Sipas informacioneve të para, ngjarja ka ndodhur rreth orës 06:00, ndërsa në vendin e ngjarjes kanë dalë njësitet e Policisë së Kosovës dhe forenzika.
Rastin e ka konfirmuar edhe zëdhënësja e policisë për rajonin e Prishtinës, Flora Ahmeti.
Ahmeti tha se informacionin për rastin e morën rreth orës 6 të mëngjesit. Viktima është një mashkull.
“Vdekja e tij është konstatuar nga ekipi i mjekëve emergjent në vendin e ngjarjes.
Policia në koordinim me prokurorinë kanë nisur hetimin e rrethanave që karakterizojnë rastin”, deklaroi Ahmeti. /Njeshi/
