Komuna e Prishtinës ka njoftuar se për shkak të punimeve në rrugën “Agim Ramadani”, sipas njoftimit nga Drejtoria e Investimeve Kapitale, për të gjithë Operatorët Privat dhe Publik të Transportit Publik Urban, nga nesër e deri të dielën e 4 majit, kjo rrugë do të jetë e mbyllur për qarkullim.
Bëhet e ditur se linjat e transportit publik që kalojnë në këtë rrugë do të devijohen përkohësisht dhe do të qarkullojnë në rrugët alternative si më poshtë:
-Rruga UÇK;
-Rruga Migjeni;
-Rruga Luan Haradinaj;
-Rruga Ukshin Hoti;
-Rruga Robert Doll;
-Rruga Eqrem Çabej;
-Rruga Dëshmorët e Kombit;
-Rruga Bajram Kelmendi;
(dhe anasjelltas, sipas nevojës së qarkullimit)
Gjithashtu, mjetet motorike me peshë mbi 12.5 ton do të ndalohen të qarkullojnë në këtë segment rrugor nga data 03.05 deri më 07.05.2025. /Njeshi/
