Skuadra e Trepçës ka arritur të rikthehet fuqishëm në serinë finale të Play Off-it të Superligës së Kosovës në basketboll, duke e mposhtur Bashkimin me rezultat 79:72, në ndeshjen e dytë të serisë finale dhe duke barazuar rezultatin e përgjithshëm në 1:1.
Takimi u zhvillua me intensitet të lartë në të katër çerekët.
Të dy skuadrat kishin fillime të barabarta, me nga 20 pikë secila në çerekun e parë, ndërsa në pjesën e dytë Trepça ruajti ritmin dhe arriti të mbante epërsinë.
Çereku i katërt ishte vendimtar, ku Trepça shënoi 19 pikë, krahasuar me 14 të Bashkimit, duke siguruar fitoren në fund të sfidës./Njeshi/
