Presidenti amerikan, Donald Trump po konsideron një ndryshim të madh në pjesëmarrjen e SHBA-së në NATO.
Bëhet e ditur se Trump ka diskutuar mundësinë e rregullimit të angazhimit të Amerikës në NATO në një mënyrë që të favorizojë anëtarët e aleancës që shpenzojnë një përqindje të caktuar të GDP-së për mbrojtjen.
Si pjesë e ndryshimit të mundshëm të politikës, SHBA-ja mund të mos mbrojë një anëtar tjetër të NATO-s që sulmohet nëse vendi nuk e përmbush kufirin e shpenzimeve të mbrojtjes.
Dhe nëse Trump e bën atë ndryshim, ai do të shënonte një ndryshim të rëndësishëm nga një parim thelbësor i aleancës i njohur si Neni 5, i cili thotë se një sulm ndaj çdo vendi të NATO-s është një sulm ndaj të gjithëve.
Raportohet se presidenti po konsideron në mënyrë të ngjashme një ndryshim të politikës në të cilën SHBA mund të zgjedhë t’i japë përparësi stërvitjeve ushtarake me anëtarët e NATO-s që po shpenzojnë përqindjen e caktuar të GDP-së së tyre për mbrojtjen, shkruan yahoonews.
Administrata e tij tashmë u ka sinjalizuar aleatëve evropianë se SHBA mund të zvogëlojë praninë e saj ushtarake në Evropë dhe një opsion që po shqyrtohet tani është të ripozicionohen disa trupa amerikane në rajon, në mënyrë që ata të fokusohen në ose rreth vendeve të NATO-s që kanë rritur shpenzimet e tyre të mbrojtjes për të përmbushur përqindjen specifike të GDP-së së tyre.
Ndryshe, republikani ka kritikuar vazhdimisht vendet e NATO-s për mos përmbushjen e objektivit aktual për të shpenzuar 2% të GDp-së së tyre për mbrojtjen.
Ai ka argumentuar se pabarazia është e padrejtë dhe i vë një barrë të shtuar SHBA-së.
Vendet e NATO-s ranë dakord më shumë se një dekadë më parë për të vendosur objektivin e shpenzimeve për secilën prej tyre në 2% të GDP-së.
Por Trump ka shtyrë për të rritur këtë përqindje.
Së fundmi ai tha se anëtarët e aleancës duhet të shpenzojnë 5% të GDp-së së tyre për mbrojtjen, megjithëse SHBA-a nuk e bënë këtë aktualisht.
“NATO duhet të paguajë më shumë”, tha Trump në janar pas marrjes së detyrës.
Sipas statistikave më të fundit të NATO-s, vitin e kaluar shpenzimet e mbrojtjes të 23 anëtarëve tejkaluan 2% të GDP -së së tyre.
Pesë nga këto vende – Estonia, Greqia, Letonia, Polonia dhe SHBA – shpenzuan më shumë se 3% për mbrojtjen./Njeshi/
