Ushtarët shqiptarë dhe ata hungarezë të KFOR-it kanë kryer aktivitete stërvitore në Kampin e Novosellës, për të ruajtur gatishmërinë e tyre të lartë operacionale.
Në një njoftim në Facebook, KFOR-i thotë se ushtarët shqiptarë nga Komanda Rajonale-Perëndimore dhe Hungareze trajnerë nga Batalioni Rezervë Taktike i KFOR-it të misionit të udhëhequr nga NATO, zhvillojnë rregullisht aktivitete stërvitore të zjarrit në Kampin e Novosellës.
Këto aktivitetet, sipas KFOR-it, zhvillohen për të ruajtur gatishmërinë e lartë operacionale.
“Këto përpjekje janë pjesë e misionit të përditshëm për të garantuar një mjedis të sigurt për të gjithë njerëzit që jetojnë në Kosovë”, njofton KFOR-i./Njeshi/
