Ambasadori i Gjermanisë në Prishtinë, Jorn Rohde, me disa ushtarë të KFOR-it nga disa vende të ndryshme dhe me alpinisten kosovare me famë botërore, Uta Ibrahimi, janë ngjitur të premten në Maalet e Sharrit në lartësi mbidetare 2 mijë e 577 metra.
Në këtë ngjitje kanë marrë pjesë një grup prej 50 personash.
“ Ishim të nderuar që na udhëhoqi Uta Ibrahimi, alpinistja legjendare e Kosovës, e cila së fundmi përfundoi misionin e saj të ngjitjes së të 14 majave mbi 8,000 metra duke u ngjitur në majën e Kangchenjunga-s, malit të tretë më të lartë në botë!”, ka shkruar Ambasada e Gjermanisë në Prishtinë.
Në këtë njoftim kanë treguar se megjithatë kishte dështuar plani për t’u takuar në majë me kolegët e Ambasadës Gjermane në Shkup, për shkak të kushteve atmosferike dhe mjegullës.
“Por, ndërsa arritëm në Liqenin Konjushka, afër majës, u mor vendimi për t’u kthyer për siguri. Mali gjithmonë fiton dhe sigurimi i mirëqenies së grupit ishte prioritet”, ka shkruar Ambasada./Njeshi/
