Ngjarja e cila ka ndodhur në orët e hershme të mëngjesit në Klinikën e Psikiatrisë, ku një person ka humbur jetën pas shpërthimit të zjarrit në Klinikë, ka bërë që Bordi I SHSKUK-së të mbajë një mbledhje të jashtëzakonshme.
Në njoftimine SHSKUK-së thuhet se mbledhja është mbajtur me kërkesë të ministrit të shëndetësisë Arben Vitia dhe se Bordi Drejtues ka kërkuar nga drejtori i përgjithshëm i ShSKUK-së, konform përgjegjësive dhe autorizimeve ligjore të bëjë vlerësim të gjendjes dhe bazuar në kompetencat e tij të ndërmarrë veprimet ligjore ndaj personave përgjegjës.
“Sot, Bordi Drejtues i ShSKUK-së, me kërkesë të ministrit të Shëndetësisë, Dr. Arben Vitia, ka mbajtur mbledhje të jashtëzakonshme ku pikë e vetme e rendit të ditës ishte ngjarja e fundit e ndodhur në Klinikën e Psikiatrisë. Pas diskutimeve, Bordi Drejtues ka kërkuar nga drejtori i përgjithshëm i ShSKUK-së, konform përgjegjësive dhe autorizimeve ligjore të bëjë vlerësim të gjendjes dhe bazuar në kompetencat e tij të ndërmarrë veprimet ligjore ndaj personave përgjegjës”, thuhet në njoftimin e SHSKUK-së.
Ndërsa thuhet se do të ndërmerren veprime të tjera ligjore, me qëllim të parandalimit të rasteve të tilla./Njeshi/
