Klubi i basketbollit Vëllaznimi ka njoftuar se ka marrë masa ndaj dy basketbollistëve të tij që u përleshën mes vete sot.
Kuqezinjtë e kanë lëshuar një komunikatë për shtyp, duke nënvizuar se lojtarët që e kanë thyer kodin disiplinor do ta marrin dënimin e merituar.
Komunikata e plotë:
‘KOMUNIKATË
KB Vëllaznimi njofton tifozët “Kuqezinjët e Jakovës” dhe të gjithë adhuruesit e klubit se klubi i qytetit ka adresuar zhvillimet e fundit dhe konform rregullave të klubit ka marrë masa ndaj lojtarëve të përfshirë që kanë thyer kodin disiplinor dhe të sjelljes sportive.
KB Vëllaznimi dënon rastin në fjalë dhe është i vendosur të luftojë që rastet e tilla të shëmtuara të qëndrojnë larg nga sporti.
KB Vëllaznimi siguron adhuruesit se klubi është i fokusuar vetëm në ndeshjen e radhës dhe shkon me motiv të lartë në Suharekë për duelin çerekfinal të Superkupës ndaj nikoqirit, KB Golden Eagle Ylli.’
Klubi gjakovar e ka dënuar rastin, ndërsa është i fokusuar tek ndeshja e sontme kundër Golden Eagle Yllit në çerekfinale të Superkupës së basketbollit.
Sot gjatë ditës u raportua se dy lojtarë të klubit gjakovar ishin përleshur mes vete dhe njëri prej tyre ka përfunduar në mbajtje./Njeshi/
