Komuna e Vushtrrisë ka ndarë 320 mijë euro për trajtimin e qenve endacakë. Kontrata e dhënë vlen për 36 muaj.
Sipas të dhënave të publikuara në platformën online E-prokurim, ofertuesit duhet t’i plotësojnë specifikat e parapara si:
“Trajtimi i qenve endacakë ku përfshihen kapja, kastrimi, sterilizimi, vaksionimi për tërbim, hospitalizimi i përkohëshëm. Hospitalizimi i qenve të zgjasë së paku 5 ditë dhe ata të promovohen për adoptim.
Eutanazia e qenve endacakë (qentë endacakë agresivë, qentë e smurë me smundje të rëndë dhe smundje infektive)
Në koston e eutanazisë përfshihen; kapja, testimi paraprak eutanazia, transporti në vendin e caktuar dhe groposja.
Strehimi i qenve endacakë në strehimore (kostoja e strehimit llogaritet për një muaj)
Testimi rapid për leshmaniozë”. Ndërsa kostoja për strehimin e qenve në strehimore do të llogaritet për një muaj dhe si e tillë do të paguahet në bazë mujore. /Indeksonline/
