Zëvendëssekretarja e përgjithshme e Aleancës Veri-Atlantike, Radmilla Shekerinska ka takuar të dërguarin e posaçëm të Bashkimit Evropian, Peter Sorensen, për dialogun Kosovë-Serbi.
Shekerinska në një postim në X shkruan për rëndësinë e bashkëpunimit NATO-BE për stabilitetin në Ballkan.
“Vazhdimi i bashkëpunimit NATO-BE është çelësi për ruajtjen e stabilitetit në rajonin e Ballkanit Perëndimor”, shkruan ajo.
Ndryshe, ditë më parë për vizitë në vendin tonë ishte shefi i NATO-s, Mark Rutte.
Ai pas takimit me liderët shtetërorë kishte thënë se NATO mbështet dialogun mes Kosovës dhe Serbisë të udhëhequr nga Bashkimi Evropian për normalizim të marrëdhënieve. /Njeshi/
