Deputeti i Partisë Socialiste, Ditmir Bushati vlerësoi sot
bashkimin në koalicion të shqiptarëve në zgjedhjet për drejtimin e komunës Tuz,
në Mal të Zi.
Ish-ministri i Jashtëm i konsideroi shqiptarët në Malin e Zi, një urë solide e miqësisë mes dy vendeve.
“Janë bërë shumë përpjekje të shkuara, në radhë të parë për të siguruar statusin e pavarur të komunës dhe administrimin e pavarur të saj nga Podgorica”, tha Bushati.
Bushati tha se shpreson që koalicioni “Malësia na bashkon” të jetë një premisë e mirë, jo vetëm për zgjedhjet që zhvillohen nesër në Tuz, po mbi të gjitha për të fuqizuar më tej statusin e shqiptarëve në Malin e Zi.
“Shqiptarët në Malin e Zi ishin një forcë përcaktuese për pavarësinë e Malit të Zi, për kursin euroatlantik dhe janë një urë solide e miqësisë ndërmjet Shqipërisë dhe Malit të Zi”, tha ai.
]]>
