Bordi i Zyrës së Rregullatorit për Energji në mbledhjen e sotme ka marrë vendim që tarifat e energjisë elektrike të shtrenjtohen për rreth 15 përqind.
Si arsye për rritjen e tarifave është përmendur furnizimi i qëndrueshëm me energji elektrike.
Tarifat e reja do të hyjnë në fuqi nga 1 prilli (nesër) dhe do të jenë të vlefshme deri më 31 mars të vitit 2024.
Ndërsa, sot në Komisionin parlamentarë për Ekonomi, Industri, Ndërmarrësi dhe Tregti, gjatë diskutimit për rritjen e tarifave për energjisë elektrike, deputetët nga pozita dhe opozita e kanë konsideruar këtë vendim si shkelje për qytetarët.
Deputeti i LVV-së, Driton Hyseni ka thënë se performanca jo e mirë e operatorëve të energjisë ka ndikuar në rritjen e tarifave të energjisë elektrike.
Hyseni ka kërkuar informacione nga bordi i ZRRE-së në lidhje me masat që kanë paraparë në rast se vazhdon kriza energjetike në vend.
Kritika për ngritjen e çmimeve të energjisë ngriti edhe deputeti i AAK-së, Pal Lekaj.
“Në vitin 2023 të vini deri te rritja e çmimit të energjisë është e pakuptimtë dhe nuk e keni pas për bazë fare gjendjen ekonomike e pagat e ulëta. Po e bëni një gabim trashanik që të vini prapë te shtrenjtimi i energjisë”, tha ai.
Nga ZRRE kanë treguar për sa euro do të shtrenjtohet faturat.
“Për konsumatorët që kanë konsum shtëpiak deri 300 kWh, fatura mujore do të ketë rritje prej 2 euro e 40 centë. Për konsumatorët që kanë konsum deri 450 kWh, konsumatorët do të kenë rritje mujore prej 4 euro e 20 centë. Për konsumatorët që kanë konsum deri në 600 kWh, rritja mujore do të jetë deri në 5 euro, ndërsa për konsumatorët që kanë konsum deri në 800 kWh, rritja mujore do të jetë rreth 7 euro e 23 centë”, kanë deklaruar nga ZRRE.
Tarifat e reja do të hyjnë në fuqi nga 1 prilli dhe do të jenë të vlefshme deri më 31 mars të vitit 2024./Njeshi/
