Zv/Ministri i Ekonomisë Getoar Mjeku, një prej zyrtarëve më të dalluar të Qeverisë Kurti, Getoar Mjeku ka përfaqësuar Kosovën në mbledhjen e Këshillit të Ministrave në Bosnjë-Hercegovinë, ku u diskutua mbi integrimin e tregut të Energjisë elektrike në Ballkanin perëndimorë.
Njoftimi i plotë:
Komuniteti i Energjisë po diskuton për integrimin e tregut të energjisë elektrike dhe detyrimet klimatike e mjedisore.
Në mbledhjen e Këshillit të Ministrave sot në Bosnjë-Hercegovinë, kumtova për ndryshimin e ligjeve të sektorit, bashkimin e tregut energjetik Kosovë–Shqipëri dhe përpjekjet e integrimit të mëtejmë me Greqinë dhe Maqedoninë e Veriut.
Fola gjithashtu rreth miratimit të ligjit mbi ndryshimet klimatike, rreth studimeve të nevojshme për çmimin e karbonit, si dhe rreth përkushtimit tonë ndaj mjedisit, mirëqenies së qytetarëve dhe zhvillimit ekonomik.
I themeluar më 2006, Komuniteti i Energjisë lidh Bashkimin Evropian me vendet fqinje, përfshi 6 shtetet e Ballkanit Perëndimor, Gjeorgjinë, Moldavinë dhe Ukrainën.’-shkruan Zv/Ministri Mjeku./Njeshi/
