Në vazhdën e akuzave dhe kund-akuzave në distancë, në mes të pozitën dhe opozitës së Kosovës, Zv/Ministri i Arsimit, Shkencës, Teknologjisë dhe Inovacionit, Taulant Kelmendi që është edhe kryetar i Lëvizjes ‘Vetëvendosje’ në Pejë ka akuzuar ish-Ministren e Arsimit nga LDK Hykmete Bajrami se ku është avulluar projekti 5.6 milionë euro për platformën e digjitalizimit të arsimit.
‘Me 18 mars 2020 (shih dokumentin) janë pranuar kredencialet për qasje në platformen digjitale të arsimit nga Hykmete Bajrami, ministre e Arsimit. Kjo platformë i kishte kushtuar buxhetit të vendit 5.6 milionë euro. Sot e asaj dite paratë kanë shkuar dhe platforma nuk gjendet askund.’-shkruan mes tjerash ai.
Postimi i plotë:
Znj. Hykmete Bajrami ku është avulluar projekti 5.6 milionë euro për platformën e digjitalizimit të arsimit që nuk e kemi gjetur askund?!
Me 18 mars 2020 (shih dokumentin) janë pranuar kredencialet për qasje në platformen digjitale të arsimit nga Hykmete Bajrami, ministre e Arsimit.
Kjo platformë i kishte kushtuar buxhetit të vendit 5.6 milionë euro. Sot e asaj dite paratë kanë shkuar dhe platforma nuk gjendet askund.
Madje, këtë e evidenton edhe Raporti i Zyrës Kombëtare të Auditimit ku thotë se platforma për digjitalizimin e arsimit e-edukimi është jofunksionale dhe e paqasshme.
Dokumenti i pranuar me kredenciale për të hyrë në sistem, ju ka dërguar juve si ministre e arsimit me datë 18 mars 2020.
Ne, me taksat e qytetarëve duhet të paguajmë për këtë sistem shumën prej 5,6 milionë euro deri në vitin 2032. Platforma nuk gjindet.
Hykmete ku është paswordi?’/Njeshi/
